29.01.2026 ж. колледждің «Автомобиль көлігіне техникалық қызмет көрсету, жөндеу және пайдалану» мамандығының студенттері кәсіби бағдар беру, мекеменің материалдық-техникалық базасымен танысу, авариялық-құтқару техникасына қызмет көрсету мен оны пайдалану ерекшеліктерін зерделеу, сондай-ақ түлектерді әрі қарай жұмысқа орналастыру мүмкіндіктерімен танысу мақсатында «ШҚО Төтенше жағдайлар департаменті» ММ-не барды. Экскурсия барысында білім алушылар Төтенше жағдайлар департаменті қызметінің негізгі бағыттарымен, төтенше жағдайлардың салдарын жою кезінде қолданылатын заманауи арнайы техника және жабдық үлгілерімен танысты.
Департамент мамандары студенттерге техникалық персоналға қойылатын талаптар, қызметтің ерекшеліктері, өндірістік практикадан өту шарттары және кәсіби өсу перспективалары туралы айтып берді.
Өткізілген іс-шара студенттердің кәсіби көкжиегін кеңейтуге, болашақ мамандыққа деген тұрақты қызығушылығын қалыптастыруға және алдағы кәсіби жолын саналы түрде таңдауға ықпал етті.
